கனவும் நனவாகும் . .

 கனவும் நனவாகும் . .

தங்கள் வாழ்க்கையில்

ஏற்பட்ட பல்வேறு

சோதனைகளைக் கடந்து,

சாதனை படைத்த சரித்த நாயகர்களின், தன்னம்பிக்கை வரிகள் இங்கே.

*மகாத்மா காந்தி*

வன்முறை மூலம் அடையும் வெற்றி தோல்விக்குச் சமமே.

அது தற்காலிகமான ஒன்றே அன்றி வேறு இல்லை. அகிம்சை மூலம் பெறும் வெற்றியே உண்மை வெற்றி.

*ஸ்டீபன் ஹாக்கிங்*

இந்த நிமிடத்தில்

வாழ்க்கை எவ்வளவு கடினமாக வேண்டுமானாலும் தெரியலாம். ஆனால்,

செய்வதற்கும் வெல்வதற்கும் ஒவ்வொரு நொடியும் ஏதேனும் ஒன்று இருந்துகொண்டேதான் இருக்கிறது.

*சுவாமி விவேகானந்தர்*

ஒரே ஓர் எண்ணத்தைக்

கையில் எடுங்கள்.

அந்த எண்ணத்தையே உங்கள் வாழ்க்கை ஆக்குங்கள்.

அந்த எண்ணத்தையே சிந்தியுங்கள், கனவு காணுங்கள். உடலின் ஒவ்வொரு செல்லும் நரம்பும் அந்த எண்ணத்திலேயே ஊறட்டும்.

இதுவே, வெற்றியின் ரகசியம்.

*லியோ டால்ஸ்டாய்*

வாழ்க்கையில் நாம் சில எதிர்பாராத பிரச்னைகளை எதிர்கொள்வதற்கு எப்பொழுதும் தயாராக இருக்க வேண்டும். பிரச்னைகள் நம்மை மேலாதிக்கம் செய்ய அனுமதிக்கக் கூடாது.​ நாம்தான் பிரச்னைகளை மேலாதிக்கம் செய்ய வேண்டும்.​ பிரச்னைகளை தோல்வியுறச் செய்து, வெற்றி காண வேண்டும்.

*ஒப்ரா வின்ஃபிரே*

இந்த நொடியில்

உங்களது 100 சதவிகிதத்தையும் கொடுத்து உழைப்பது, அடுத்த நொடியின் வெற்றியையும் சந்தோஷத்தையும் உறுதி செய்து விடுகிறது.

*எடிசன்*

துவண்டுபோவதே ஒரு மனிதனுடைய மிகப் பெரிய பலவீனம்.

வெற்றிக்கான நிச்சய வழி,

தோல்வி அடைந்த பிறகும், இன்னும் ஒரு தடவை முயற்சி செய்வது.

*பெர்னாட்ஷா*

நான் ஆரம்பத்தில் 10 காரியங்களைச் செய்தால், 9 தோல்வியாகவே முடியும். தோல்வி என்னைக் கேலி செய்தது.

9 முறை வெற்றிபெற என்ன செய்ய வேண்டும் என யோசித்தேன்.

90 முறை முயன்றால் 9 வெற்றி கிடைக்கும் அல்லவா அன்று முதல், முயற்சியின் எண்ணிக்கையை அதிகப்படுத்தினேன்.

இதுதான் எனது வெற்றியின் ரகசியம்.

*வால்ட் டிஸ்னி*

விடாமுயற்சியுடனும்

தைரியத்துடனும்

கனவுகளைத் துரத்திக்கொண்டு

ஓட முடிவெடுத்தவரின்

ஒவ்வொரு கனவும் நனவாகும்.