முகநூல் தகவல் (மனிதத்தேனீ)

☮தனக்கு கிடைக்கும் பொருள், கல்வி, வேலை, தொழில், வாழ்க்கை எல்லாம் மிகச் சிறப்பானதாகவே இருக்க வேண்டும் என்ற எதிர் பார்ப்பு தான் எல்லா ஏமாற்றங்களுக்கும் அடிப்படைக் காரணமாக இருக்கிறது.

☮மனிதர்களின் உறவுமுறை என்பது எப்போதும் ஒரே மாதிரியாய் அமைவதில்லை. மகிழ்ச்சியாக, துக்கமாக, காயங்களாக, கண்ணீராக, பயமாக, சோர்வாக, உற்சாகமாக, நம்பிக்கையாக, சந்தேகமாக,வெறுப்பாக, கோபமாக, மோதலாக சில வேளைகளில் உயிரை உலுப்பும் உணர்வாகக் கூட இருக்கலாம்.

☮வாழ்க்கையில் இரண்டே வழிகள் தான், போர்க் களமா, அமைதித் தளமா. முடிவின் விளைவே வாழ்க்கை.

☮பணிந்து, தணிந்து, இணைந்து சென்றால் அது வாழ்க்கை. எரிந்து, புகைந்து, சிதைந்து சென்றால் அது தண்டனை. இதில் எதை நீ தேர்ந்து எடுக்கிறாயோ அதுவே அமையும்.
"உன் வாழ்க்கை உன் கையில்".

☮உற்சாகமாக இருக்கத் தொடங்குவது தான் வெற்றிகரமான வாழ்க்கை வாழத் தொடங்குவதற்கான முதல் முயற்சி.

எல்லாம் நன்மைக்கே
வாழ்க்கை வாழ்வதற்கே